तहगत समायोजन र क्रियाशील विवादकाे टुंगो बस्नेत र लामाले लगाउने

निर्मला तामाङ सिन्धुपाल्चोक सम्बाददाता चौतारा नेपाली काँग्रेस जिल्ला कार्यसमिति सिन्धुपाल्चोकले क्रियाशिल सदस्यता, तहगत समायोजन विवाद टुङ्गयाउने जिम्मा जिल्ला सभापति र केन्द्रीय सदस्यलाई दिएको छ ।                                    केन्द्रीय प्रतिनिधि नरेन्द्र कुमार केसीसहित चाैतारामा बसेकाे जिल्ला कार्यसमितिको पुर्ण बैठकले तहगत समिति समायाेजन, क्रियाशिल सदस्यता वितरणकाे जिम्मा सभापति विकास लामा र केन्द्रीय सदस्य माेहन बहादुर बस्नेतलाई दिईएकाे पार्टी सचिव बिल बहादुर तामाङले जानकारी दिए । बैठकले `नेपाली कांग्रेस स्थानीय तह संगठन पुर्न संरचनाको अन्तरिम व्यवस्था निर्देशिका २०७६´ अनुसार जिल्लाकाे विवाद समाधान गर्न अख्तियारी दिएको छ । समाधानका लागि लामा र बस्नेतकाे बैठक आईतबार काठमाडौंमा बस्नेछ ।                          बैठकमा जिल्ला कार्यसमितिका पदाधिकारी तथा सदस्य, महासमिति सदस्य तथा महाधिवेशन प्रतिनिधि, भातृ एंव शुभेच्छुक संस्थाकाे प्रमुख, जनप्रतिनिधिहरुकाे उपस्थिति रहेको थियाे ।                        जिल्लामा निर्देशिका विपरीत विभिन्न स्थानीय तहहरुमा केन्द्रीय सदस्य बस्नेतले आफूनिकटका व्यक्तिहरुलाई नेतृत्वको जिम्मा दिएका थिए।