काठमाडौं।मलेसियामा आजदेखि एसीसी पुरुष यू–१६ पूर्वी क्षेत्रीय क्रिकेट प्रतियोगिता सुरु हुँदै छ । एसियाली क्रिकेट परिषद् (एसीसी्) वार्षिक कार्यतालिकाअनुसार प्रतियोगिता हुन लागेको हो ।नेपालले सिंगापुरसँग आफ्नो पहिलो खेल खेल्दै छ ।मलेसियाको यूकेएम ओभलमा उक्त खेल नेपाली समयानुसार बिहान ७ः४५ बजे सुरु हुनेछ ।नेपाली टोलीको कप्तानी विपीनप्रसाद शर्माले गरेका छन् । नेपाल क्रिकेट संघ (क्यान)ले केही दिनअघि शर्माको कप्तानीमा १४ सदस्यीय टोली घोषणा गरेको थियो ।
नेपाली टोलीको उपकप्तानमा सुर्याशुं कोइराला र अरू खेलाडीमा परिमार्जन यादव, शिवान्श बजगाईं, रौनक श्रीवास्तव, अभय यादव, सचिन भट्ट, सुगम बुढाथोकी, सुयोग भट्टराई, सुशील रावल, शुभम खनाल, प्रसिद्ध जैशी, जोय थापा र रोशन शाही छन् । नेपाली टोलीको प्रशिक्षकमा दीपेन्द्रबहादुर चन्द रहेका छन् ।
प्रतियोगितामा नेपालसहित १० टोलीको सहभागिता छ ।समूह ‘ए’मा नेपालसहित सिंगापुर, इन्डोनेसिया, भुटान र जापान छन् । समूह ‘बी’मा आयोजक मलेसियासहित हङकङ, माल्दिभ्स, थाइल्यान्ड र म्यानमार छन् । नेपाल हालसम्म सम्पन्न तीन संस्करणको च्याम्पियन हो ।
नेपालले दोस्रो खेलमा मंगलबार जापानसँग, तेस्रो यही असार १५ गते इन्डोनेसियासँग खेल्नेछ । समूह चरणको अन्तिम खेल नेपालले असार १७ गते भुटानसँग खेल्नेछ । दुवै समूहबाट विजेता र उपविजेता सेमिफाइनलमा प्रवेश गर्नेछन् ।
कोशीपारी अनलाइन माघ ४, काठमाण्डौं नेकपा एमालेका सचिव महेश बस्नेतले एमाले नै ग्रामीण जीवनको शोषण, दमन, उत्पीडन र अर्थतन्त्रका समस्याको...
कोशीपारी अनलाइन माघ ४, काठमाण्डौं काठमाडौं महानगरपालिकाकी कार्यवहाक प्रमुख सुनिता डंगोलले महानगर प्रमुखले आफ्नो कार्य अवधिमा गरेका सकारात्मक कामको लागि...
कोशीपारी अनलाइन माघ ४, काठमाण्डौं प्रधानमन्त्री सुशीला कार्कीले निर्वाचन आयोगका पदाधिकारीहरूसँग छलफल गरेकी छन् । आसन्न प्रतिनिधिसभा सदस्यमा प्रत्यक्षतर्फको उम्मेदवारको...