राष्ट्रपति भण्डारीले आमाको हातबाट थापिन टीका

राष्ट्रपति विद्यादेवी भण्डारीले आमा मिथिला पाण्डेका हातबाट विजयादशमीको टिका बिहान १० बजेर २ मिनेटको शुभसाइतमा ग्रहण गरेकी छिन् ।

त्यसैगरी राष्ट्रपति भण्डारीले हनुमान ढोकाका मूल पूजारी देवराज अर्यालबाट पनि टीका प्रसाद ग्रहण गरेकी छन् । सो अवसरमा राष्ट्रपति भण्डारीलाई विभिन्न शक्तिपीठका गुरुले प्रसाद समेत प्रदान गरेका थिए।

कोभिड महामारीको जोखिमका कारण अघिल्लो वर्षझैँ यसवर्ष पनि राष्ट्रपति र प्रधानमन्त्रीबाट सर्वसाधरणलाई टीका लगाउने कार्यक्रम भने स्थगन नै भएको छ ।