आजबाट मनसुन निस्क्रीय बन्दै, वाहिरिन अझै १४ दिन बाँकी

जल तथा मौसम विज्ञान विभागले मनसुनको न्युनचापीय रेखा भारततर्फको मध्य भागमा रहेकाले तत्कालै मनसुनी प्रणाली वाहिरिने सम्भावना नभएपनि आउने चार दिनसम्म घाम लाग्ने र छिटफुट स्थानमा सामान्य पानी पर्ने सम्भावना रहेको जानकारी दिएको छ। आजबाट मनसुन निस्क्रीय बन्दै गएको छ ।

जल तथा मौसम विज्ञान विभाग अनुसार भारतबाट मनसुनी चक्र वाहिरिए पछि मात्र नेपालबाट पनि मनसुन वाहिरीने भएकाले मनसुनी प्रणाली वाहिरिन अझै केही दिन लाग्ने भएको छ । मनसुनी प्रणाली वाहिरिन औसत समय अनुसार अझै १४ दिन बाँकी रहेको महाशाखाले जनाएको छ ।

जल तथा मौसम विज्ञान विभागले यस वर्षदेखि मनसुनी अवधिको समय परिमार्जन गरेको छ । अन्यवर्षहरुमा सेक्टेम्वर २३ मा मनसुन वाहिरीने समय मान्दै आए पनि यस वर्ष देखि नौ दिन पछि धकेलेर अक्टोवर २ मा मात्र मनसुनी प्रणाली वाहिरिने औसत समय तोेकेको छ । जुन १० मा मनसुन भित्रिने समय मानिए पनि यस वर्षदेखि तीन दिन पछि सारेर जुन १३ गतेलाई कायम गराएको विभागले जनाएको छ । विभागले प्रत्येक १० वर्षको अवधिमा मनसुनी समयलाई परिमार्जन गर्ने गरेको जनाएको छ ।