पूर्व संसाद एवं पूर्वश्रम राज्यमन्त्री उप्रेतीलाई पत्नी शोक

कोशीपारी अनलाईन संवाददाता, कोशीपारी काभ्रे
साउन ३२, २०७८

पूर्व संसाद एवं पूर्वश्रम राज्यमन्त्री गोविन्द नाथ उप्रेतीलाइ पत्नी शोक परेको छ । उहाँको पत्नी विद्या उप्रेतीको उपाचारको क्रममा गत शनिवार राती धुलिखेल अस्पतालमा मृत्यु भएको थियो ।
निमोनिया सँगै मुटु दुख्ने रोगका कारण स्वास्थ्यमा गम्भीर समस्या देखिए पछि ६४ वर्षीय विद्यालाई उपचारको लागि धुलिखेल अस्पतालमा भर्ना गरेका थिए । उपचारको क्रममा राती ९ बजे उहाँको मृत्यु भएको अस्पताल स्रोतले जानकारी गराएका थिए। विशेष गरि काभ्रेली जनताका लोकिप्रिय नेताको रुपमा मनिने पूर्व श्रम राज्यमन्त्री गोविन्द नाथ उप्रेती र श्रीमती विद्या भुम्लुमा सामान्य खेतिकिसान गर्दै बस्दै आएका थिए भने उहाँहरुको कुनै सन्तान भने छैनन् । उहाँको अन्त्येष्टि दोलालघाटमा हिजो आईतवार गरेका थिए । काभ्रे जिल्लाका पुराना कम्युनिष्ट नेताका रुपमा स्थापित गोविन्द नाथ उप्रेतिको पत्नीको मृत्युमा जिल्लाका विभिन्न राजनितिक दलका नेताहरुले शोक व्यक्त गरेका छन् ।