भोलिदेखि उपत्यकामा जोर बिजोर प्रणालीमा सार्वजनिक सवारी साधन चल्न पाउने

१४ असार २०७८, कोशीपारी अनलाइन संवाददाता/काठमाडौं – भोलि असार १५ गतेदेखि कामठमाडौं उपत्यकामा सार्वजनिक सवारीसाधन जोर बिजोर प्रणालीमा चल्न पाउने भएका छ । काठमाडौं उपत्यकामा २५ सिटभन्दा बढीका सार्वजनिक सवारी साधन जोर बिजोरका आधारमा चल्न पाउने भएका हुन् । आज सोमबार काठमाडौ उपत्यकाका ३ जिल्लाका प्रमुख जिल्ला अधिकारीहरुको बैठकले यस्तो निर्णय गरेको हो ।

जोर विजोर प्रणालीमा चल्ने बसहरूले स्वास्थ्य मापदण्ड पालना गर्नुपर्ने, बसमा सेनीटाइजर राख्ने तथा सिटमा यात्रुहरुको दूरी कायम राख्नुपर्ने छ । हाल उपत्यकामा निजी सवारीसाधन र ट्याक्सीहरुलाई जोर–बिजोरको आधारमा तथा व्यापार व्यवसाय बारको आधारमा सञ्चालन हुँदै आएका छन् ।

कोरोना भाइरस संक्रमणका कारण काठमाडौं उपत्यकामा गत वैशाख १६ गते निषेधाज्ञा जारी छ ।