वडा अध्यक्षद्वारा पहारी समुदायका कृषकलाई उन्नत जातको बाख्रा हस्तान्तरण

७ असार २०७८, क्रान्ती दोङ/कोशीपारी अनलाइन काभ्रे – जिल्लाका भुम्लु गाउँपलिकाकामा सिमान्तकृत पहरी समुदायका किसानहरुलाई उन्नत जातको बाख्रा हस्तान्तरण गरेका छन् ।

आ.ब.२०७७/७८ को भुम्लु गाउँपालिकाबाट बिनियोजित रकमबाट साबिक वडा न.३ का लोपोन्मुख सिमान्तकृत पहरी समुदायका चौतारी बाख्रा पालन कृषक समुहमा आवद्ध न्यून आयस्तर भएका २० जना कृषकहरुलाई वडाअध्यक्ष भरत बहादुर शिवभक्ती, पालिकाका पशु सेवा शाखाको प्रमुख बिजय थापा पत्रकार तथा रेडियो क्रान्तिको अध्यक्ष क्रान्ति लामा, कोलातीभुम्लुका पशु प्राबिधिक मुराहरी शिवभक्तीको उपस्थितिमा चौतारी बाख्रा पालन कृषक समुहको सदस्य किसानहरुलाई बितरण गरेको जानकारी कोशीपारी अनलाइनलाई प्राप्त भएको छ।

उन्नत जातको बाख्रा किसानहरुलाई हस्तान्तरण गर्दै समृद्ध कोलाती सुखी जनता भन्ने अभियान सबै जनतालाई रोजगारी सृजना गर्ने उदेश्य सहित बाख्रा बितरण गरेको वडा अध्यक्ष भरत बहादुर शिवभक्तिले बताउनुभएको छ ।