चौतारा साँगाचोकगढीकी एक महिलाको मृत्यु, स्वाब लिएको तीन दिन सम्म आएन रिपोर्ट

९ जेष्ठ २०७८, निर्मला तामाङ कोशीपारी अनलाइन संवाददाता/ चौतारा – सिन्धुपाल्चोक चौतारा साँगाचोकगढी १३ की एक महिलाको मृत्यु भएको छ । घरमै रहेकी ठूलो सिरुवारीकी ४२ वर्षकी महिलाको घरमै मृत्यु भएको हो । कोरोनासँग मिल्दोजुल्दो लक्षण देखिएको थियो । उनको पीसीआर परीक्षण गर्नका लागि जेठ ७ गते स्वाब संकलन गरेर पठाइएको थियो । तर आज सम्म उनको रिपोर्ट आएको छैन् । प्राप्त जानकारी अनुुुसार रिपोर्ट आएपछि मात्रै उनको शवको व्यवस्थापन गरिने स्रोतले बताएको छ ।

यसैगरी हिजो एक कोरोना संक्रमित पुरुषको चौतारा अस्पतालमा मृत्यु भएको थियो । भोटेकासी २ का ७० वर्षका ती पुरुषको हिजो मृत्यु भएको थियो । उनको शव अझै चौतारा अस्पतालमै रहेको छ । आज चौतारामै शव व्यवस्थापन गर्ने तयारी भैरहेको छ ।