काभ्रेमा आज थप १ सय ४६ जनामा कोरोना संक्रमण पुष्टि,२६ जना संक्रमणबाट मुक्त

२९ बैशाख २०७८, कोशीपारी अनलाइन/ बनेपा –  काभ्रे जिल्लाभर आज एकैदिन २६ जना कोरोना संक्रमण मुक्त भएका छन् भने १ सय ४६ जनामा कोरोना संक्रमण पुष्टि भएको जानकारी जिल्ला स्वास्थ्य कार्यालय काभ्रेले दिएको छ ।

आज थपिएका संक्रमितमध्ये बनेपा नगरपालिकाबाट १२ जना महिला र २२ जना पुरुष, धुलिखेल नगरपालिकाबाट १७ जना महिला र २३ जना पुरुष, पनौती नगरपालिकाबाट १७ जना महिला र १४ जना पुरुष, पाँचखाल नगरपालिकाबाट ११ जना महिला र ९ जना पुरुष, नमोबुद्ध नगरपालिकाबाट ३ जना महिला र ३ जना पुरुष, मण्डनदेउपुर नगरपालिकाबाट ३ जना महिला र ८ जना पुरुष, चौरीदेउराली गाउँपालिकाबाट १ जना पुरुष, तेमाल गाउँपालिकाबाट २ जना पुरुष र रोशी गाउँपालिकाबाट १ जना पुरुष रहेको कार्यालयका प्रमुख डा.नरेन्द्र कुमार झाले जानकारी दिए ।

उनका अनुसार योसँगै काभ्रेमा कुल कोरोना संक्रमित संख्या ५१ सय ८ पुगेको छ । त्यस्तै जिल्लामा अहिले १५ सय १८ जना सक्रिय कोरोना संक्रमित रहेको डा. झाले बताए । जसमध्ये १४ सय ७० जना होम आइसोलेसनमा र ४८ जना अस्पताल आइसोलेसनमा उपचाररत रहेको उनले जानकारी दिए ।

त्यस्तै पछिल्लो २४ घण्टामा काभ्रेमा ४ जना संक्रमितको मृत्यु भएको कार्यालयले जनाएको छ । कार्यालयका अनुसार सबै मृतक संक्रमित काभ्रे बाहिर अन्य जिल्लाका रहेका छन् । धनगढी जिल्लाका ८० वर्षीय पुरुष र भक्तपुर जिल्लाका ५४ पुरुषको उपचारको क्रममा धुलिखेल अस्पतालमा बैशाख २८ गते मृत्यु भएको कार्यालयले जनाएको छ । त्यस्तै कोरोना संक्रमणका कारण काठमाडौँ जिल्लाका ६० वर्षीय पुरुष र ललितपुर जिल्लाकी ५२ वर्षीय महिलाको उपचारको क्रममा आज धुलिखेल अस्पतलमा मृत्यु भएको कार्यालयका प्रमुख डा. झाले जानकारी दिए ।