नेपालमा एकैदिन ९०७० जनामा कोरोना संक्रमण पुष्टि, हाल सम्मकै संक्रमितको नयाँ रेकर्ड, २७०७ जना संक्रमण मुक्त

२३ बैशाख २०७८, कोशीपारी अनलाइन/ काठमाडौ पछिल्लो २४ घण्टामा नेपालमा ९ हजार ७० संक्रमित थपिएका छन्। एकै दिन थपिएको यो संख्या हालसम्मकै उच्च हो। आज २१ हजार १ सय ४२ को परीक्षण गरिएको थियो। 

जसमध्ये पिसिआर परीक्षण गर्दा ८ हजार ९७० जना र एन्टिजेन परीक्षणबाट १ सय जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।

यो सहित हालसम्म संक्रमित हुनेको संख्या ३ लाख ६८ हजार ५८० पुगेको छ। पछिल्लो २४ घण्टामा कोरोना भाइरस संक्रमणका कारण ५४ जनाको मृत्यु भएको छ भने २७०७ जना संक्रमणमुक्त भएका छन् ।