एकैदिन ७ हजार ४४८ जनामा कोरोना संक्रमण पुष्टि, ३७ जनाको मृत्यु, नेपालमा हालसम्मकै उच्च

२० बैशाख २०७८, कोशीपारी अनलाइन/काठमाडौं पछिल्लो २४ घण्टामा देशभर ७ हजार ४४८ जनामा कोरोना भाइरसको संक्रमण पुष्टि भएको छ भने ३७ जनाको मृत्यु भएको छ । देशभरका प्रयोगशालामा गरिएको १६ हजार ६ सय ५८ पीसीआर परीक्षणबाट ७ हजार ३८८ र ५१८ एन्टिजेन परीक्षणबाट ६० जनामा संक्रमण पुष्टि भएको हो। योसँगै नेपालमा कोरोना संक्रमितको संख्या ३ लाख ४३ हजार ४ सय १८ पुगेको छ। स्वास्थ्य तथा जनसंख्या मन्त्रालयका अनुसार हाल देशभर सक्रिय संक्रमितको संख्या ५४ हजार ४१ रहेको छ। हाल सम्म नेपालमा कोरोनाबाट ज्यान गुमाउनेको संख्या ३ हजार ३ सय ६२ पुगेको छ। सोमबार संक्रमण र मृत्यु दुवै नेपालमा हालसम्मको सर्वाधिक संख्या हो।