उकालो लाग्दै काभ्रेमा पनि कोरोना ग्राफः ११ संक्रमित थपिए

कोशीपारी अनलाईन

काभ्रे जिल्लामा पछिल्लो २४ घण्टा ११ जना कोरोना नयाँ संक्रमित थपिएका छन् । स्वास्थ्य कार्यालय धुलिखेलका अनुसार संक्रमण हुनेमा धुलिखेल नगरपालिकाका दुई महिला र दुई पुरुष, पनौती नगरपालिका का १ महिला र ४ पुरुष, पाँचखाल नगरपालिकाका १ पुरुष रहेका छन् । त्यस्तै भुम्लु गाउँपालिकाका १ महिला गरी ११ जनामा कोरोना पुष्टि भएको स्वास्थ्य कार्यालय काभ्रेका वरिष्ठ स्वास्थ्य प्रशासक डा.नरेन्द्रकुमार झाले जानकारी दिएका छन् । यो संगै काभ्रे जिल्लामा संक्रमित हुनेको संख्या तीन हजार ४ सय ४८ पुगेको छ ।

जिल्लामा कोरोनाका सक्रिय संक्रमितको संख्या ४८ रहेको छ । उनीहरुमध्ये ५ जना संस्थागत आइसोलेसनमा रहेका छन् भने ४३ जना होम आइसोलेशनमा रहेका स्वास्थ्य कार्यालय काभ्रेका वरिष्ठ स्वास्थ्य प्रशासक डा.झाले जानकारी दिएका छन् । काभ्रेमा पहिलो चरणको पहिलो र दोस्रो प्राथमिकताको दोस्रो डोजको कोरोना विरुद्ध खोप २ हजार १ सय ७३ जनाले लगाएका छन् । हिजोदेखी देशैभर दोस्रो डोजको कोरोना विरुद्ध खोप अभियान सुरु भएको छ ।