अधेरीमा प्रहारीको बलजफ्ती पछी झाडप हुँदा अबरुद्द सडक खुल्यो

निर्मला तामाङ, कोशीपारी अनलाईन

अधेरीमा प्रहारीले अमलटारमा अवरुद्ध गरेको सडक बलजफ्ती खुलाएकाे छ ।  प्रहरीले बल प्रयाेग गरि बाटाे खुलाएको स्थानीयले बताएका छन् । पीडित पक्षसँग वार्ता गरेर बाटाे खुलाउनु पर्नेमा प्रहरीले अश्रुग्यास र रबरको गाेली प्रहार गरी स्थानीयलाई तितरबितर पारेर बाटाे खुलाएकाे हाे । बाटाे खुलाएपनि मृतकका आफन्तले प्रहरी माथि ढुंगामुढा गरेका छन् । अहिले अमलटारकाे अवस्था तनावग्रस्त बनेको छ ।

स्थानीयले विपरीत दिशामा आएर ठक्कर दिने गाडी चालकलाई कारवाही गर्नुपर्ने र क्षतिपूर्तिकाे व्यवस्था गर्न भन्दै सडक अवरुद्घ पारेका थिए । वार्ताका लागि चाैताराबाट गएको डीएसपी प्रकाश सापकोटाकाे नेतृत्वको टाेलीले पीडितको माग सम्बाेधन गर्न तिर नभई बाटो खुलाउन तिर ध्यान दिएपछि आफन्तजन आक्राेशित भएका छन् ।