‘अनलाइन पत्रकारितालाई राज्यले विभेद गर्न पाउँदैन’

आम पत्रकारिताभन्दा अनलाइन पत्रकारितालाई फरक दृष्टिले हेर्न नहुने आइतबार राजधानीमा आयोजित एक कार्यक्रमका वक्ताहरूले बताएका छन् ।

अनलाइन पत्रकार संघले आयोजना गरेको कार्यक्रममा नेपाल पत्रकार महासंघका अध्यक्षका प्रत्यासीहरू निर्मला शर्मा, बिपुल पाेखरेल र गजेन्द्र बुढाथाेकीले अनलाइनलाई राज्यले आम सञ्चारभन्दा फरक व्यवहार गर्न खोजेको भन्दै महासंघ चुप लागेर नबस्ने सामूहिक बताए । 

सुशासन ऐनको नाममा अनलाइन पत्रकारितालाई नियन्त्रण गर्न खोज्न नहुने उनीहरूको भनाइ थियो । अनलाइन पत्रकारितालाई मूल प्रवाहीकरणमा ल्याउने र आमसञ्चार ऐनअनुसार नै अनलाइन पत्रकारितालाई नियमन गर्ने व्यवस्था मिलाइने अध्यक्षका प्रत्यासीहरूले उद्घोष गरेका छन् ।