उज्यालो नेपाल पार्टीको शोक समवेदना

कोशीपारी अनलाइन
मंसिर १६, काठमाण्डौं

काठमाडौँ महानगरपालिकाका प्रमुख बालेन साहका पिता डा. रामनारायण साहको निधनप्रति उज्यालो नेपाल पार्टीले गहिरो दुःख व्यक्त गरेको छ।

पार्टीका अध्यक्ष अनुप कुमार उपाध्यायद्वारा जारी शोक विज्ञप्तिमा प्रख्यात आयुर्वेदिक चिकित्सक तथा सफल आयुर्वेदिक व्यवसाय सञ्चालनकर्ता डा. साहको मृत्युले मुलुकले एक असल व्यक्तित्व गुमाएको उल्लेख छ।

“यस दुखद क्षणमा उज्यालो नेपाल पार्टी डा. साहप्रति श्रद्धाञ्जली अर्पण गर्दै शोकाकुल परिवारजनप्रति हार्दिक समवेदना व्यक्त गर्दछ,” विज्ञप्तिमा उल्लेख गरिएको छ।

डा. साहको असामयिक निधनबाट बालेन साह तथा परिवारमा परेको अपूरणीय क्षतिप्रति पार्टीले समवेदना प्रकट गरेको जनाएको छ।