नेपाल तामाङ घेदुङ साइप्रस (प्रवास शाखा) ले नवौं बार्षिक उत्सव तथा शुभकामना आदान–प्रदान कार्यक्रम आयोजना गर्दै

कोशीपारी अनलाइन
कात्तिक ७, काठमाण्डौं

साईप्रस ।  तामाङ समुदायको गौरवमय संस्था नेपाल तामाङ घेदुङ प्रवास शाखा साईप्रसले आफ्नो नवौ वार्षिकोत्सव समारोह भव्य रुपमा मनाउने तयारी गरेको छ ।
“तामाङ जातिको उत्थान , भाषा, धर्म, र संस्कृतिको सम्बद्र्धन” भन्ने मूल नाराका साथ सन् २०१६ मा स्थापना भउको यस संस्थाले स्थापना दिवासलाई ऐतिहासिक उत्सवका रुपमा मनाउन लागेको हो ।
आयोजकका अनुसार कार्यक्रम आउँदोे २०२५ अक्टोबर २६ आईतबार बिहान १०ः०० बजे देखि सुरु हुनेछ । उक्त समारोह Kabab & Curry Restaurant साईप्रस मा आयोजना गरिनेछ । यस नवौ वार्षिकोत्सव कार्यक्रममा रहेका तामाङ समुदायको दाजुभाइ दिदीबहिनी, शुभेच्छुक, विभिन्न संघ संस्थाका प्रतिनिधि तथा आदरणीय व्यक्तित्वहरुको उपस्थिति रहने अपेक्षा गरिएको छ ।
संस्थाले जारी गरेको सूचनामा भनिएको छ :-
“हाम्रो गौरवमय यात्राको नौ बर्ष पूरा भएको यो अवसरमा सम्पूर्ण समुदायको एकता, सांस्कृतिक पहिचान र परम्पराको संरक्षणमा थप प्रेरणा प्राप्त हुनेछ भन्ने विश्वास लिएका छौ । यस अवसरमा सबैमा हार्दिक निमन्त्रणा गर्दछौं ।”
नेपाल तामाङ घेदुङ साईप्रसले विगतका वर्षदेखि नै निरन्तर रुममा तामाङ समुदायको भाषा, संस्कृति, धर्म र पहिचानको सम्बद्र्धनका लागि विविध कार्यक्रमहरु सञ्चालन गर्दै आएको छ ।