विश्व शान्तिका लागि मणिजप ङेवा, मोलम तथा छोकफुल – तेल अवीभमा भव्य धार्मिक कार्यक्रम आयोजना हुँदै 

कोशीपारी अनलाइन संवाददाता /तेल अवीभ (इजरायल)
असोज १३, काठमाण्डौं

विश्व शान्ति र मानव काल्यणको कामना गर्दै नेपाल आदिवासी जनजाति महासंघ इजरायलले एक विशेष धार्मिक तथा आध्यात्मिक कार्यक्रम “मणिजप ङेवा, मोलम तथा छोकफुल” आगामी ३ अक्टोबार २०२५ (शुक्रबार) का दिन HADUT HIBAIT 47, TEL-AVIV मा आयोजना गर्ने भएको छ ।
धर्म, संस्कृति र शान्तिको सन्देश फैलाउने उद्धेश्यले आयोजना गरिएको यस कार्यक्रममा लामा गुरुहरुको विशेष उपस्थिति रहनेछ । कार्यक्रम साँझ ६ः३० बजेबाट सुरु हुनेछ र विश्वभरका सम्पूर्ण जीवित तथा मृत प्राणीहरुको कल्याणको लागि सामूहिक प्रार्थना, मणिजप ङेवा, मोलम तथा छोकफुलजस्ता धार्मिक अनुष्ठानहरु सञ्चालन गरिनेछ ।

कार्यक्रमको उद्धेश्य :
कार्यक्रमले विश्व शान्ति, सद्धाव र सबै जीवप्रतिको करुणाको भावना फैलाउने लक्ष्य लिएको छ । इजरायलमा रहेको नेपाली आदिवासी जनजाति समुदायबीच धार्मिक एकता र सांस्कृतिक चेतनाको सशक्त सन्देश फैलाउने अपेक्षा गरिएको आयोजकले जनाएको छ ।

सहभागी हुन आह्वान :
महासघले तेल अवीभ र वरपर रहेका सम्पूर्ण श्रद्धालु भक्तजन, धर्मप्रेमी नेपाली समुदायका सदस्यहरुलाई कार्यक्रममा उपस्थित भएर प्रवचन सुन्न तथा सामूहिक प्रार्थनामा सहभागी हुन हार्दिक निमन्त्रण गरेको छ ।

कार्यक्रम विवरण

स्थान : HADUT HIBAIT 47, TEL-AVIV

मिति : अक्टोबर ३, २०२५

समय : साँझ ६ः३० बजे
आयोजक : नेपाल आदिवासी जनजाति महासंघ इजरायल