पूर्वराष्ट्रपति भण्डारी र रास्वपा प्रवक्ता झाबीच भेटघाट

काठमाडौं । पूर्वराष्ट्रपति विद्यादेवी भण्डारी र राष्ट्रिय स्वतन्त्र पार्टीका प्रवक्ता मनिष झाबीच भेटघाट भएको छ ।

मंगलबार बिहान भण्डारीको निवासमा राजनीतिक भेटघाट भएको हो । प्रवक्ता झाका अनुसार कुनै विशेष एजेन्डा भन्दा पनि राजनीतिक संवादको सुरुवात स्वरूप भेटघाट थियो ।

वर्तमान असाधारण राजनीतिक अवस्था बारेमा र यसको समाधानको आवश्यक पहलबारे पनि छलफल भएको उनले जानकारी दिए ।

भेटवार्तामा उपराष्ट्रपति भण्डारीले सहकारीको विषयमा समाधान गर्नुको साटो यसलाई अनावश्यक राजनीतिक मुद्दा बनाइएको प्रति उनले सरोकार राख्नुका साथै रविप्रति पनि सद्भाव रहेको धारणा राखेकी थिइन् ।

नयाँ पुस्ता राजनीतिमा आउनु राम्रो भएको धारणा राख्दै त्यसप्रति अभिभावकको भूमिका निर्वाह गर्न आफू तयार रहेको उनले बताइन् ।