हुम्लाको लिमी, हिल्सा र यारी क्षेत्रमा थुप्रियो एक फिट हिउँ, तापक्रम माइनस चार

 

हुम्ला : चीनसँगको सिमाना जोडिएको उत्तरी नाम्खा गाउँपालिकाको हिमालपारीको गाउँ लिमी, हिल्सा र यारी क्षेत्रमा हिमपात भएको छ । आईतबार बेलुकाबाट परेको बर्षासगै हिमपात सुरु भएको हो । हिमपात भएपछि त्यहाँको जनजीवन कष्टप्रद भएको छ ।

प्रमुख जिल्ला अधिकारी गणेश आचार्यले नाम्खा गाउँपालिकाको वडा नम्बर ५ को यारी र हिल्सा तथा ६ नम्बरको लिमीमा एक फिट भन्दा बढी हिउ जमेको बताएका छन् । जमिनमा हिउ जमेसँगै सो क्षेत्रको तापक्रम माईसन चार डिग्रीमा पुगेकोले जनजीवन निक्कै कष्टकर भएको प्रहरीले जनाएको छ । त्यस्तै हिउँले जमिन भिज्ने भन्दै किसानहरु खुशी भएका छन् । हिउँ परेपछि हिउँदे बाली सप्रिने किसान बताउँछन् ।