बागमतीमा बढ्यो सार्वजनिक सवारीको भाडा

काठमाडौं : ब्यवसायीहरुको चर्को आन्दोलनपछि बागमती प्रदेश सरकारले बढाएको सार्वजनिक सवारी साधनको भाडा आजदेखि लागू भएको छ। बागमती अन्तर्गतको भौतिक पूर्वाधार विकास मन्त्रालयले आजदेखि लागू हुने गरी नयाँ भाडादर कायम गरिदिएको हो ।

यससंगै अब काठमाडौं उपत्यकामा सार्वजनिक यातायात चढेर ५ किलोमिटरसम्म १८ रुपैयाँ भाडा तिर्नुपर्ने भएको छ। यसैगरि १० कि.मि.सम्म २३ रुपैयाँ, १५ कि.मि.सम्म २७ रुपैयाँ, २० कि.मि.सम्म ३० रुपैयाँ र २० कि.मि.भन्दा माथि ३५ रुपैयाँ भाडा तय भएको छ ।

उपत्यका बाहिरको हदमा भने साविकको भाडादरमा केहि प्रतिशत वृद्धि गरिएको छ । यो भाडादरमा यात्रुले १५ केजीसम्म निःशुल्क र त्यसमाथि १० केजीसम्म प्रतिकेजी ५ रुपैयाँका दरले सरसामान समेत लैजान पाउने ब्यबस्था पनि उल्लेख छ।