जम्मु–कश्मिरमा आतंकवादी र भारतीय सेनाबीच भिडन्त

काठमाण्डौ : भारत र पाकिस्तानको विवादास्पद क्षेत्र जम्मु–कश्मिरमा भारतीय सेना र आतंकवादीबीच गएको सोमबारदेखि लगातार भिडन्त हुँदै आएको छ । एक हप्तामा भिडन्तमा परेर कम्तीमा २२ जनाको ज्यान समेत गईसकेको छ ।

यसै क्रममा भारतीय सेनाका ९ जना मारिएका छन् भने आतंकवादी समूहका १३ जना मारिएको भारतीय सेनाको दाबी छ । गत सोमबार सरनकोटको एक गाउँबाट आतंकवादी समूहविरुद्ध सेनाले अपरेशन कार्यक्रम सुरु गरेको थियो । अहिले पनि सेना र आतंकवादी समूहबीच पुँछ र राजौरीको जंगलमा भिडन्त चलिरहेको उल्लेख छ ।