नेपाल आयल निगमले विराटनगरमा भण्डारण क्षमता बढाउँदै

मोरङ मोरङको विराटनगरस्थित नेपाल आयल निगमको प्रादेशिक डिपोमा रहेको पेट्रोल स्टोरेज ट्यांकको क्षमता बढाउने कार्य शुरु भएको छ ।पेट्रोलको स्टोरेज क्षमता बढाई अभाव हुन नदिन पेट्रोलको स्टोरेज बढाउन लागिएको हो ।

आयल निगमको विराटनगर डिपोमा ५ लाख ६० हजार लिटर क्षमताको पेट्रोल स्टोरेज ट्यांक रहेको छ । सो डिपोमा रहेको मट्टितेलको दुई वटा स्टोरेज ट्यांकलाई पेट्रोल स्टोरेज ट्यांकमा परिणत गर्न लागिएको नेपाल आयल निगम प्रादेशिक प्रमुख इन्जिनियर अशोक साहले बताएका छन् । विराटनगर डिपोमा रहेको ७ लाख ५० हजार लिटर र ७ लाख १० हजार लिटरको मट्टितेल स्टोरेज ट्यांकलाई पेट्रोल स्टोरेज ट्यांकमा परिणत गरिएपछि पेट्रोल स्टोरेजको क्षमता २० लाख २० हजार लिटर पुग्नेछ र आपूर्ति मा सहजता आउने छ ।

विराटनगरमा स्टोरेज गर्ने डिजल अमलेखगंजबाट र पेट्रोल भारतको सिलिगुडी र बरौनीबाट आयात गर्ने गरिएको छ ।