साफ च्याम्पियनसिपको फाइनलमा पुगेको नेपाल भारतसंग पराजित

 

काठमाडौं : भारतले साफ च्याम्पियनसिपको उपाधि जितेको छ। साफ च्याम्पियनसिप अन्तर्गत शनिबार माल्दिभ्सको राजधानी मालेमा भएको फाइनलमा भारतले नेपाललाई ३–० गोलले पराजित गर्दै उपाधि जितेको हो।

नेपाल उपविजेतामा सीमित रहृयो । शनिबार भएको फाइनलको पहिलो हाफ बराबरीमा सकिएको थियो । तर दोस्रो हाफको सुरुमा नै भारतले लगातार दुई गोल गर्यो । खेलको ४९औं मिनेटमा सुनिल क्षेत्रीले गोल गरे भने त्यसको एक मिनेट वित्न नपाउँदै सुरेश सिंह वाङजेमले भारतको अग्रता दोब्बर बनाए ।

इन्जुरी समयमा भारतले तेस्रो गोल थप्यो। भारतका लागि ९१औं मिनेटमा साहल अब्दुल सामदले तेस्रो गोल गरेका थिए। यससँगै भारतले आठौं पटक साफ च्याम्पियनसिप जितेको छ। नेपाल पहिलो पटक फाइनलमा पुगेको थियो। तर, फाइनलमा भने राम्रो खेल प्रदर्शन गर्न सकेन।

साफको इतिहास हेर्ने हो भने भुटान र पाकिस्तान पछिको कमजोर टिम नेपाल हो। किनभने नेपाल १३ संस्करणमा एक पटक उपविजेता (२०२१) एक पटक तेस्रो (१९९३० हुँदा तीन पटक सेमिफाइनलबाट (२०११, २०१३, २०१८) बाहिरिएको छ। त्यसबाहेक ८ संस्करणमा नेपालको चुनौती समूह चरणमै समाप्त भएको छ।