सुर्खेतमा ल्यान्ड गर्न नसकेपछि बुद्ध एयरको जहाज फर्कियो नेपालगन्ज

त्रिभुवन विमानस्थलबाट ८ बजेर १ मिनेटमा सुर्खेतका लागि उडेको बुद्ध एयरको यू ४–१३३ नम्बरको जहाज सुर्खेत अवतरण हुन नसकेपछि नेपालगन्ज डाइभर्ट गरिएको हो । भेरीको आसपासमा लागेको कुहिरोका कारणले विमानस्थलमा अवतरण हुन नसकेको हो ।

सुर्खेत विमानस्थलमा अवतरणमा समस्या भए पछि जहाज नेपालगन्ज डाइभर्ट गरिएको बताउछन् बुद्ध एयरका सुर्खेत प्रमुख अनिल पन्त । ‘भेरी नदीको आसपासमा कुहिरोका कारण सुर्खेत विमानस्थलमा अवतरण गर्न सकिएन, त्यसैले नेपालगन्ज डाइभर्ट गराइएको हो,’ उनले भने, ‘नेपालगन्जबाट जहाज फेरि सुर्खेत आउन थालेको छ ।’