माओवादी केन्द्रको स्थायी कमिटी बैठक बस्दै

काठमाडौँ : नेकपा माओवादी केन्द्रको स्थायी कमिटी बैठक आज ९बुधबार० बस्दै छ। सरकारमा पठाउने मन्त्रीको नामावली टुंगो लगाउन माओवादी केन्द्रको स्थायी कमिटी बैठक बस्न लागेको हो।

दिउँसो १ बजे पार्टी केन्द्रीय कार्यालय पेरिसडाँडामा बस्ने बैठकले मन्त्रिमण्डलमा पठाउने नेताहरूको टुंगो लगाउने बताइएको छ। सत्तारूढ गठबन्धनमा माओवादी केन्द्रले पाँच वटा मन्त्री पाउने सहमति भएको छ। जसमा माओवादी केन्द्रले अर्थ र ऊर्जा मन्त्रालय लिइसकेको छ। अब शिक्षा, श्रम र भूमिसुधार मन्त्रालय पाउने बताइएको छ। माओवादीले मन्त्रीको नाम टुङ्ग्याउने जिम्मा यसअघि नै अध्यक्ष पुष्पकमल दाहाल प्रचण्डलाई दिएको छ।