सीमामै ठगिन्छन् नेपाली

नेपालीहरुको महान चाड दशैं मनाउनका लागि भारतबाट नेपाल आउनेहरु सिमा नाकामा ठगिन थालेका छन् । भारतबाट ज्यादादारी तथा चौकीदारी गरेर नेपाल आउँदा बाँकेको नेपालगञ्जस्थित रुपौडिया नाका रिक्साचालक, भारतीय सुरक्षाकर्मी, नेपाली सुरक्षाकर्मी, होटल व्यवसायी र गाडीका दलालले ठग्ने र लुट्ने गरेको गुनासो गर्छन यात्रुहरु ।

भारतबाट नेपाल आउने नागरिकहरु बर्षेनी ठगिने र लुटिने क्रम बढेको भएको पनि दुबै देशका सरकार तथा सुरक्षाकर्मीले चासो भने दिएका छैनन् ।

रुपौडियामा भारतीय तथा नेपाली सुरक्षाकर्मीको मिलेमतोमा नै ठग्ने गरेको भारतको हिमाञ्चलमा स्याउ टिप्ने र बोक्ने मजदुरी गर्दै आइका सुर्खेत लेकबेसी नगरपालिका–५ का जनक बिकले बताए । ‘एउटा रिक्सा चालकले हामी १० जनालाई सीमापारी रुपैडिहाबाट नेपालगञ्जसम्मको रिक्सा भाडा प्रतिव्यक्ति ५ सय भारतीय रुपैयाँ भाडा लग्यो,’ उनले भने,‘एसएसबीको बैरियरमा उतारेर रिक्सा चालक भाग्यो । एसएसबीलाई हामीलाई ठगेर भागेको भन्दा उनीहरुले कुनै कारवाही नै गरेनन् ।’

यात्रुलाई नाकामै नेपालगञ्ज का नेपालि तथा भारतीय होटलवाला, रिक्सा चालक साथै अन्य व्यक्तिहरु भारी बिसाउँन नपाउद्दै आफुहरुलाई यता जाउँ उता जाउँ भनेर तानातान गर्ने गरेको बताउदै ‘सबै मिलेर आफुहरुलाई दुख दिने गरेको गुनासो गर्छन।