दसैंको पूर्वसन्ध्यामा सुनको मूल्य निरन्तर उकालो, आज तोलामा कति ?

 

काठमाण्डौं : दसैं नजिकिएसंगै सुनको मूल्य निरन्तर उकालो लाग्न थालेको छ । सोमबार छापावाल सुन प्रतितोला ८९ हजार ८०० रुपैयाँ कायम भएकोमा साताको तेस्रो दिन मंगलबार पाँच सय रुपैयाँले बढेर ९० हजार ३०० रुपैयाँ कारोबार भइरहेको नेपाल सुनचाँदी व्यवसायी महासंघले जनाएको छ ।

मंगलबार छापावाल सुन प्रति १० ग्राम ७७ हजार ४२० रुपैयाँ कायम भएको महासंघले जनाएको छ । त्यसैगरी, तेजाबी सुन प्रतितोला ८९ हजार ८५० रुपैयाँ कायम भएको छ । त्यस्तै, तेजाबी प्रति १० ग्राम ७७ हजार ३५ रुपैयाँ कायम भएको  छ ।  चाँदीको मूल्य  भने प्रतितोला एक हजार १६० रुपैयाँ कायम भएको छ ।