प्रधानन्यायाधीश जबराले बोलाए ‘फुलकोर्ट’

 

कामाण्डौं : प्रधानन्यायाधीश चोलेन्द्र शमशेर जबराले सर्वोच्च अदालतका न्यायाधीशहरुको पूर्ण बैठक (फुलकोर्ट ) बोलाएका छन् । सर्वोच्च अदालतले कुनै गम्भीर विषयमा सामूहिक निर्णय लिनुपर्ने अवस्थामा फूलकोर्टमा छलफल गर्ने प्रचलन अनुसार मंगलबार दिउँसो १ बजेपछि बैठक बस्ने भएको हो ।

एकपछि अर्को विवादमा मुछिंदै गएपछि प्रधानन्यायाधीश चोलेन्द्र शमशेर जबराले पूर्ण बैठक बोलाएका हुन । मन्त्रिपरिषद् विस्तारमा प्रधानन्यायाधीशले भाग खोजेको समाचार सार्वजनिक भएपछि चौतर्फी दबावमा परेको न्यायिक नेतृत्व फुलकोर्ट बोलाएर आफू यो प्रकरणमा नमुछिएको स्पष्ट सन्देश दिने उद्देश्यले बैठक बस्न लागेको हो । यद्धपी सर्वोच्च अदालतले हिजै एक विज्ञप्ती जारी गर्दै प्रधानन्यायाधीश जबराले मन्त्रिमण्डलमा भाग खोजेको भन्ने समाचारमा कुनै सत्यता नभएको भन्दै स्पष्ट पारिसकेको छ ।

आज बस्ने भनिएको बैठकमा दसैं अवधिमा मुद्वा सुनवाइ गर्ने न्यायाधीशहरूको नामसमेत तय गर्ने लगायतका एजेण्डामाथि छलफल हुने भएको छ ।