चाडपर्व सुरु भएसंगै सुनको मूल्यले उचाइ लिँदै, आईतबार तोलामा कति ?

काठमाण्डौं : चाडपर्व सुरु भएसंगै सुनको मूल्य दिन प्रतिदिन बढ्न थालेको छ । आइतबार सुनको मूल्य प्रति तोला दुई सय रुपैयाँले वृद्धि भएको हो ।

नेपाल सुनचाँदी व्यवसायी महासंघका अनुसार गत शुक्रबार छापावाल सुन प्रतितोला ८९ हजार ६ सय रुपैयाँ कायम भएकोमा आज दुई सय रुपैयाँले बढेर ८९ हजार आाठ सय रुपैयाँ कायम भएको हो । छापावाल सुन प्रति १० ग्राम ७६ हजार नौ सय ९० रुपैयाँ कायम भएको महासंघले जनाएको छ । आइतबार तेजाबी सुन प्रतितोला ८९ हजार तीन सय ५० रुपैयाँ कायम भएको छ । त्यस्तै, तेजाबी सुनको मूल्य प्रति १० ग्राम ७६ हजार ६ सय पाँच रुपैयाँ कायम भएको महासंघले जनाएको छ ।

आज चाँदीको मूल्य पनि प्रतितोला २० रुपैयाँले बढेर प्रतितोला एक हजार एक सय ६० रुपैयाँमा कारेबार भईरहेको छ ।