दशैं नजिकिँदै गर्दा सुनको भाउ सस्तियो, आज तोलामा कति ?

 

दशैं नजिकिँदै गर्दा नेपाली बजारमा सुनको मुल्य ३ दिन देखी घट्दै आइरहेको छ । नेपाल सुनचाँदी व्यवसायी महासंघले साताको मंगलबारदेखि घट्न थालेको सुनको मूल्य आज पनि घटेको जानकारी दिएको हो।

८९ हजार ३०० रुपैयाँ रहेको सुनको मूल्य सोमबारपछि निरन्तर रुपमा घट्दै आएको छ। मंगलबार तोलामा ३००, बुधबार १०० र आज विहीबार २०० ले सुनको मुल्य घटेको छ । हिजो बुधबार छापावाल सुन प्रतितोला ८८ हजार ९०० र तेजाबी सुनको मूल्य ८८ हजार ४५० रुपैयाँमा कारोबार भएको थियो। त्यस्तै आज छापावाल सुनको मूल्य प्रतितोलामा २०० रुपैयाले घटेर ८८ हजार ७०० रुपैयाँमा कायम भएको छ। तेजाबी सुनको मूल्य प्रतितोला ८८ हजार २५० रुपैयाँ तोकिएको छ।

यसैगरी, बिहिबार चाँदीको मूल्य प्रतितोलामा ३५ रुपैयाँले घटेको छ। हिजो तोलामा ११ सय ५५ रुपैयाँमा कारोबार भएको चाँदीको मूल्य आज प्रतितोला ११ सय २० रुपैयाँमा आइपुगेको महासंघ जानकारी दिएको छ।