प्रदेश २ को मुख्यमन्त्री कार्यालयमा अख्तियारद्वारा छापा

 

काठमाडौँ : अख्तियार दुरुपयोग अनुसन्धान आयोगले प्रदेश–२ को मुख्यमन्त्री तथा मन्त्रिपरिषद् कार्यालयमा छापा मारेको छ । बर्दिबासस्थित अख्तियार कार्यालयमार्फत गएको टोलीले मुख्यमन्त्री कार्यालयमा छापा मारेको हो ।

प्रदेश–२ ले छोरीहरू विद्यालय पठाउने कार्यलाई उत्प्रेरित गर्नेगरी ‘बेटी पढाउ, बेटी बचाउ’ कार्यक्रम सञ्चालन गरेको छ । उक्त कार्यक्रम अन्तर्गत बालिकाहरूलाई साइकल वितरण गरिन्छ । अख्तियारले साइकल खरिद र वितरण कार्यमा अनियमितता भएको उजुरी परेपछि त्यससम्बन्धी कागजात लिन छापा मारेको हो । अख्तियार स्रोतका अनुसार केन्द्रबाट गएको टोलीले कागजात लिएको हो ।