पोखरामा कोरोना संक्रमित थप ४ को मृत्यु

 

पोखरा : कोरोना भाइरसको संक्रमणका कारण पोखराका विभिन्न अस्पतालहरुमा उपचाररत थप ४ जनाको मृत्यु भएको छ ।

पोखरा १० की ३८ वर्षीया महिलाको आइतबार मेडिप्लस अस्पताल पोखरामा उपचारको क्रममा मृत्यु भएको छ । पोखरा १ की ३९ वर्षीया महिलाको उपचारको क्रममा शनिबार पोखरा स्वास्थ्य विज्ञान प्रतिष्ठानमा उपचारको क्रममा मृत्यु भएको छ । त्यस्तै पोखरा १ का ७५ वर्षीय पुरुषको चरक मेमोरियल अस्पताल पोखरा र रुपा १ की ९१ वर्षीया महिलाको गण्डकी मेडिकल कलेज पोखरामा शुक्रबार उपचारको क्रममा मृत्यु भएको छ । योसँगै गण्डकी प्रदेशमा कोरोनाबाट मृत्यु हुनेको संख्या १३५७ पुगेको छ ।

त्यस्तै नेपालभर पछिल्लो २४ घण्टामा ८३४ जनामा कोरोना भाइरस संक्रमण पुष्टि भएको छ । ८ हजार ५ सय ८९ पीसीआर परीक्षण गर्दा ७३० जना र ५ हजार १४७ एन्टिजेन परीक्षण गर्दा १ सय ४ गरी ८३४ जनामा कोरोना भाइरसको संक्रमण देखिएको स्वास्थ्य तथा जनसंख्या मन्त्रालयले जनाएको छ ।