कांग्रेसमा सदस्यता विवाद : सुर्खेत र डोल्पामा अझै हुन सकेन वडा अधिवेशन

 

काठमाण्डौं : कर्णालीका पाँच सय ५३ वटा वडामा नेपाली कांग्रेसको वडा अधिवेशन सकिएको छ। कर्णालीका १० जिल्लामध्ये नेपाली कांग्रेसको डोल्पा र सुर्खेत जिल्लामा वडा अधिवेशन हुन बाँकी छ । कर्णाली प्रदेशका १० जिल्लामध्ये हुम्ला, मुगु, जुम्ला, कालिकोट, जाजरकोट, दैलेख, सल्यान र रुकुमपश्चिममा वडा अधिवेशन सम्पन्न भइसकेको छ ।

डोल्पा र सुर्खेतमा भने सदस्यता विवादका कारणले वडा अधिवेशन हुन सकेको छैन । डोल्पामा पार्टी सभापति अंगदबहादुर बुढाले राप्रपा परित्याग गरी नेपाली कांग्रेसमा समायोजन भएका केन्द्रीय सदस्य कर्ण बुढाले एकलौटी क्रियाशील सदस्य दिएको विरोधमा गदै आएका कारणले वडा अधिवेशन हुन सकेको छैन । सुर्खेतमा अखण्ड पार्टीबाट आएका एकजनाले बढी क्रियाशील बनाएको भन्दै विवाद हुँदै आएको छ।

सदस्यता विवादका कारणले सुर्खेतमा नेपाली कांग्रेसको वडा अधिवेशन अनिश्चित बनेको छ । प्रधानमन्त्री तथा पार्टी सभापति शेरबहादुर देउवा र वरिष्ठ नेता रामचन्द्र पौडेल समूहको पार्टी सदस्यता विवादका कारणले सुर्खेतमा वडा अधिवेशन अनिश्चित बनेको हो । सुर्खेतमा वीरेन्द्रनगर नगरपालिकाको वडा नम्बर ३, ६, ८ र ११ का सदस्यता विवाद कारणले वडा अधिवेशन हुन नसकेको नेपाली कांग्रेस सुर्खेतले जनाएको छ । कर्णालीका १० जिल्लामध्ये सुर्खेत र डोल्पामा भने क्रियाशील सदस्यता विवादका कारण वडा अधिवेशन अन्योलमा छ।