चीनबाट थप ४४ लाख डोज खोप नेपाल ल्याउने तयारीमा

काठमाण्डौं : सरकारले खरीद गरेको कोरोना भाईरस विरुद्धको भेरोसेल खोप काठमाडौं आउँदैछ । स्वास्थ्य मन्त्रालय खोप महाशाखा प्रमुख डाक्टर सागर दाहालले ४४ लाख मात्रा खोप चीनबाट आउन लागेको जानकारी दिएका छन् ।

खोप ल्याउन वरिष्ठ क्याप्टेन विजय लामाको नेतृत्वमा नेपाल वायुसेवा निगमको विमान बिहीबार राती बेइजिङ उडेको थियो । खोप आएलगत्तै तुरुन्तै लाउन सुरु गरिने डाक्टर दाहालले बताउनु भयो । हालसम्म ५० वर्ष उमेर समूहलाई कभर गरिसकेको भन्दै उहाँले त्यो भन्दा तलको उमेरमा कतिसम्म कभर गर्न सकिन्छ हेरेर खोप लगाउन सुरु गरिने बताउनु भयो । हिमाली १० जिल्लालाई पूर्ण रुपमा समेट्ने योजना रहेको उहाँको भनाइ छ ।