थप ९११ जनामा कोरोना संक्रमण पुष्टी, १३ जनाको मृत्यु

काठमाडौं : पछिल्लो २४ घण्टामा देशभर ९११ जनामा कोरोना संक्रमण पुष्टी भएको छ । त्यस्तै सोहि अवधिमा ११ हजार १८ जनाको परीक्षणबाट ८ सय ३८ पिसीआर र ७३ जनाको एन्टिजेन विधिबाट उक्त संक्रमण पुष्टी भएको हो ।

गत २४ घण्टामा १ हजार ४२३ जना संक्रमणमुक्त भएका छन् । मन्त्रालयका अनुसार नेपालमा कोरोना संक्रमितको कुल संख्या ८ लाख ६३ हजार ८५७ पुगेको छ । तीमध्ये ७ लाख ३९ हजार ४५७ जना निको भएका छन् भने १० हजार ९४९ जनाको मृत्यु भएको छ ।

मन्त्रालयका अनुसार देशभर रहेका सक्रिय संक्रमितमध्ये आज २६ हजार ७ सय ५७ जना कोरोना संक्रमितको उपचार भैरहेको छ । आज नेपालमा कोरोनाको नयाँ संक्रमितमध्ये ३०९ जना काठमाडौं उपत्यकाका हुन् ।जसमा काठमाडौंका १८७, ललितपुरका ५६ र भक्तपुरका ६६ जना छन् ।