काठमाडौँ–नयाँ दिल्लि उडान नियमित हुने

काठमाण्डौं : नेपाल वायुसेवा निगमले काठमाडौँ देखि भारतको नयाँ दिल्ली दैनिक एक उडान सञ्चालन गर्ने भएको छ । नेपाल एयरलाइन्सले दैनिक एक उडान गर्नेछ र एयर इण्डियाले यो रुटमा साताका तीन दिन आइतबार, मङ्गलबार र शुक्रबार गरि जम्मा सातामा १० उडान हुने छन्। एयर बबल सम्झौताअनुसार यसअघि नयाँ दिल्ली गन्तव्यमा सातामा तीन उडान हुँदै आएका थिए ।

निगमका विभागीय निर्देशकका अनुसार नयाँ दिल्ली गन्तव्यमा दैनिक उडानले दशैँको अवसरमा यात्रुलाई निकै राहत पुग्ने र यसले निगमको व्यापारमा पनि सकारात्मक प्रभाव पार्नेछ । हवाईमार्ग भएर दिल्लीबाट धेरै नेपाली तथा भारतीय आउने भएकाले पर्यटन प्रर्वधनमा समेत टेवा पुग्ने विश्वास लिइएको छ । नेपालमा पर्यटकीय सिजन सुरु भएको छ । यो याममा पदयात्रा र पर्वतारोहणका लागि उल्लेख्य सङ्ख्यामा विदेशी नेपाल आउँछन् ।