अपि पावरको हकप्रद शेयर बिक्री गर्न बुक क्लोज मिति तय

कोशीपारी अनलाईन
वैशाख २२, २०७८

काठमाडौं : अपि पावर कम्पनीले १:०.२९३८ अनुपातमा हकप्रद शेयर निष्काशनका लागि वैशाख २९ गते बुक क्लोज गर्ने भएको छ । अब वैशाख २८ गतेसम्म कायम शेयरधनीले मात्र अपि पावरको हकप्रद शेयरमा आवेदन दिन पाउनेछन् । कम्पनीले ५६ करोड ७० लाख रुपैयाँ बराबरको ५६ लाख ७० हजार कित्ता हकप्रद शेयर बिक्री गर्न लागेको हो । यसको बिक्री प्रबन्धकको काम मुक्तिनाथ क्यापिटलले गर्नेछ ।

स्मरणीय छ कि हालसालै कम्पनीले २०७७ कात्तिक १४ गतेदेखि मंसिर ४ गतेसम्म ५६ लाख ७० हजार कित्ता (४७%) हकप्रद शेयर बिक्री गरेको थियो । हाल कम्पनीको चुक्ता पुँजी १ अर्ब ९२ करोड ९७ लाख रुपैयाँ रहेको छ ।