साताको दोश्रो दिन पनि भारी अंकले नेप्से इन्डेक्स घट्यो

कोशीपारी अनलाईन,

२०७८ वैशाख १३, काठमाडौं ।

साताको दोश्रो दिन सोमबार पनि नेपाल स्टक एक्सचेञ्ज (नेप्से) इन्डेक्समा भारी अंकले गिरावट आएको छ । आज ६५.५८ अंकले घटेर २५०६.६२ विन्दुमा झरेको छ ।

आज ६ अर्ब ५९ करोड ९ लाख बराबरको कारोबार भएको छ ।

त्यस्तै सेन्सेटिभ इन्डेक्स पनि ११.२५ अंकले घटेर ४५२.८० विन्दुमा झरेको छ ।

आज पनि कारोबार भएका सबै १३ वटै समूहमा गिरावट आएको छ ।

उच्च शेयरमूल्य बृद्धि हुनेमा विशाल बजार कम्पनी (९.९९%) र महिला लघुवित्त वित्तिय संस्था लि. (९.९७%) रहेका छन् ।

आज सर्वाधिक कारोबार भएको अपर तामाकोशीको बजारमूल्य ७७० मा झरेको छ भने नेपाल रि-इन्सुरेन्स कम्पनिको पनि बजारमूल्य ५६२ मा झरेको छ ।