आरम्भ चौतारी लघुवित्त वित्तीय संस्था लि. को तेस्रो त्रैमास (Q3) रिपोर्ट प्रकाशित

कोशीपारी अनलाईन

२०७८ वैशाख १२, काठमाण्डौ।

आरम्भ चौतारी लघुवित्त वित्तीय संस्था लि. ले चालु आर्थिक वर्ष २०७७/७८ को तेस्रो त्रैमास (Q3) रिपोर्ट (अपरिष्कृत) प्रकाशित गरेको छ जसमा ७ करोड ८३ लाख ३६ हजार रुपैयाँ खुद नाफा कमाएको विवरण उल्लेख छ । उक्त नाफा गत वर्षको भन्दा १९१.५६% धेरै हो । गत वर्ष कम्पनीले २ करोड ६८ लाख ६८ हजार रुपैयाँ मात्र नाफा कमाएको थियो । त्यस्तै कम्पनीले खुद ब्याज आम्दानी पनि ११९.१८% ले बढाएर २० करोड ३० लाख ६९ हजार रुपैयाँ पुर्याएको छ ।

आरम्भ लघुवित्त र चौतारी लघुवित्त मर्ज भइ बनेको आरम्भ चौतारी लघुवित्तले २०७७ असार २२ गतेदेखि एकिकृत कारोबार शुरु गरेको थियो । मर्जरपछि आरम्भ चौतारी लघुवित्त वित्तीय संस्था लिमिटेड (ACLBSL) मजबुत बन्दै गएको छ।

सो अवधिसम्ममा लघुवित्तको प्रतिशेयर आम्दानी ३६ रुपैयाँ ४२ पैसा पुगेको छ भने प्रतिशेयर नेटवर्थ १४३ रुपैयाँ ३१ पैसा पुगेको छ। चैत मसान्तसम्ममा लघुवित्तको मूल्य आम्दानी अनुपात ४५.५७ गुणा रहेको छ ।