समता लघुवित्त वित्तीय संस्था लि., सिमरा, बाराको तेस्रो त्रैमास (Q3) रिपोर्ट प्रकाशित

कोशीपारी अनलाईन
२०७८ वैशाख ११, काठमाण्डौ।
समता लघुवित्त वित्तीय संस्था लि., सिमरा, बाराले चालु आर्थिक वर्ष २०७७/७८ को तेस्रो त्रैमास (Q3) रिपोर्ट प्रकाशित गरेको छ जसमा ६ करोड ६० लाख रुपैयाँ नाफा कमाएको विवरण उल्लेख छ । उक्त नाफा गत वर्षको भन्दा ९५.०३% धेरै हो । गत वर्ष कम्पनीले ३ करोड ३८ लाख रुपैयाँ मात्र नाफा कमाएको थियो । त्यस्तै कम्पनीले खुद ब्याज आम्दानी पनि ६१.३०% ले बढाएर ११ करोड ६४ लाख रुपैयाँ पुर्याएको छ ।

• 

कम्पनीले सञ्चालन नाफा पनि ५ करोड ३१ लाख रुपैयाँबाट बढाएर १० करोड ३७ लाख रुपैयाँ पुर्याएको छ । चैत मसान्तसम आइपुग्दा समताले ८२ करोड ७० लाख रुपैयाँ निक्षेप संकलन गर्दा २ अर्ब २३ करोड रुपैयाँ कर्जा लगानी गरेको छ ।

हाल यसको चुक्ता पुँजी २२ करोड ९३ लाख रुपैयाँ रहेको छ भने जगेडा कोषमा १३ करोड ५० लाख रुपैयाँ रहेको छ ।
कम्पनीको खराब कर्जा भने २.११% बाट बढेर ३.७५% भएको छ ।
प्रतिसेयर आम्दानी ३८ रुपैयाँ ३८ पैसा (वार्षिक) रहेको छ भने प्रतिसेयर नेटवर्थ भने १५८ रुपैयाँ ७६ पैसा छ ।