चौरीदेउराली गाउँपालिकामा हरितालिका तीज विशेष कार्यक्रम हुने

काभ्रेपलाञ्चोक – नेपाली महिलाहरूको महान् चाड हरितालिका तीज २०८२ को अवसरमा चौरीदेउराली गाउँपालिकाले विशेष कार्यक्रम आयोजना गर्ने भएको छ। गाउँपालिकाको प्राङ्गणमा आउँदो भदौ ८ गते बिहान १०:०० बजेदेखि कार्यक्रम हुने जानकारी आज आफ्नै सामाजिक सञ्जालमार्फत चौरीदेउराली गाउँपालिका अध्यक्ष रेणुका चौलागाईंले बताएकी छन्।

कार्यक्रममा महिला दिदीबहिनीहरूले परम्परागत पोशाकमा सजिएर तीज गीतमा नाचगान प्रस्तुत गर्ने, विविध सांस्कृतिक गतिविधिहरू सञ्चालन गर्ने तथा सामुदायिक एकता र मेलमिलाप सन्देश प्रवाह गर्ने अपेक्षा गरिएको छ। अध्यक्ष चौलागाईंले तीज पर्वलाई सामाजिक सद्भाव, धार्मिक आस्था र मौलिक संस्कृतिको संरक्षण गर्ने अवसरका रूपमा उपयोग गर्न लागिएको उल्लेख गरेकी छन्।