हुम्लाको खार्पुनाथमा पहिरोले घर पुरिँदा ४ जनाको मृत्यु, २ जना बेपत्ता

काठमाडौँ : वर्षासँगै आएको पहिरोले घर पुरिँदा खार्पुनाथ–५ खर्पेलगाउँमा ४ जनाको ज्यान गएको छ । त्यस्तै २ जना बेपत्ता भएका छन् ।

खर्पेलगाउँस्थित बिचदउडामा मंगलबार राति माथिबाट खसेको पहिरोले घर पुरिँदा धनबिरे शाही, कलबहादुर शाही, आशा शाही र उनका ११ , ५ र ३ वर्षीय छोराको ज्यान गएको हो ।

घरपछाडिबाट आएको पहिरोले पुरिएर बेपत्ता भएकामध्ये कलबहादुर, उनकी श्रीमती आशा, ५ र ३ वर्षीय छोरासहित ४ जनाको ज्यान गएको जिल्ला प्रहरी कार्यालय हुम्लाले जानकारी दिएको छ। बेपत्ता भएका घरधनी धनबिरे र ११ वर्षका छोराको भने खोजी भइरहेको छ । पुरिएको घरको गोठमा रहेका गाईगोरुलाई भने जिवितै उद्धार गरिएको प्रहरीले जनाएको छ ।