‘अध्यादेश फिर्ताबारे सल्लाह गर्दैछौं’ : देउवा

 

काठमाडौँ : प्रधानमन्त्री शेरबहादुर देउवाले राजनीतिक दल सम्बन्धीको अध्यादेश फिर्ता गर्ने बारेमा सल्लाह गरिरहेको बताएका छन् । सोमबार प्रधानमन्त्री देउवाले संसद् बैठकपछि बाहिरिने क्रममा यस्तो प्रतिक्रिया दिनुभएको हो ।

अध्यादेश फिर्ताबारे प्रधानमन्त्री देउवाले माओवादी केन्द्रका अध्यक्ष पुष्पकमल दाहाल, नेकपा एस का अध्यक्ष माधवकुमार नेपाल र जसपाका नेता तथा कांग्रेस संसदहरूसँग छलफल गरेका थिए । संसद् भवनमा अहिले दाहाल, नेपाल र कांग्रेसकी सचेतक पुष्पा भुसाल अध्यादेश फिर्ता सम्बन्धमा छलफल गरिरहेका छन् । सोमबार ४ बजे मन्त्रिपरिषद् बैठक बस्दै छ ।