नेकपा एसको केन्द्रीय कमिटीको पहिलो बैठक सुरु

 

काठमाण्डौं : नेकपा एमालेबाट विभाजित भएर बनेको नेकपा नेकपा एकीकृत समाजवादीको केन्द्रीय कमिटी बैठक सुरु भएको छ । बुद्धनगरस्थित क्वालिटी बैंक्वेटमा बैठक सुरु भएको हो । एकीकृत समाजवादी गठन भएपछि पहिलो पटक बैठक बस्दैछ ।

माधवकुमार नेपाल नेतृत्वको नेकपा एसले राजनीतिक तथा केन्द्रीय कमिटीको विस्तार र आवधिक कार्ययोजना र समसामयिक प्रस्तावमाथि छलफल गर्न केन्द्रीय कमिटी बैठक बोलाएको हो । बैठकमा केन्द्रीय सदस्यहरुको सपथग्रहणको कार्यक्रम समेत रहेको छ । पूर्वप्रधानमन्त्री माधवकुमार नेपालको नेतृत्वमा एमालेबाट विभाजित भएर नेकपा (एस)भदौ ९ गते गठन भएको हो ।