‘बजेट पारित गर्नु हाम्रो बाध्यता हो’ : अर्थमन्त्री शर्मा

काठमाडौँ:  अर्थमन्त्री जनार्दन शर्माले बजेट लामो समय रोकेर राखेमा सम्पूर्ण कुरा ठप्प हुने भन्दै प्रतिपक्षको विरोधकै बाबजुद पनि पारित गरेको बताएका छन् ।

सोमबार प्रमुख प्रतिपक्षी दल नेकपा एमालेको विरोधकै बीच प्रतिनिधिसभाबाट विनियोजन विधेयक पारित भएको छ ।

‘प्रतिपक्षीसँग वार्ता र संवादलाई निरन्तरता दिइराखेका छौं, तर लामो समय बजेट रोकेर राख्यो भने सबै कुरा ठप्प हुने भएकाले सँगसँगै लैजानुपर्ने बाध्यता हो’ उनले भने ।

उनले तत्कालिन अर्थमन्त्री विष्णु पौडेलले ल्याएको बजेटको कुनै योजना नकाटेको बरु आफूले राजस्व बढाउने लक्ष्य राखेको समेत मन्त्री शर्माले दावी गरे ।