इन्द्रावती गाउँपालिकाका रोजगार संयोजक र सव इन्जिनियरमाथि कार्यकक्षमै दुर्व्यवहार

१५ बैशाख, २०७८ कोशीपारी अनलाइन सम्बाददाता नवलपुर सिन्धुपाल्चोक । सिन्धुपाल्चोक जिल्लाको इन्द्रावती गाउँपालिकाका रोजगार संयोजक गोविन्द प्रसाद कोइराला र सव इन्जिनियर सुरज कार्की माथि कार्यकक्षमै दुर्व्यवहार भएको छ । कोइराला र कार्की माथि स्थानीय फुर्वा तामाङले कार्यकक्षमै दुर्व्यवहार गरेका हुन् ।

पालिकाको वडा नम्बर ४ का तामाङले चाम्राङ खोला नेवारी दाहसंस्कार जाने मोटर बोटा योजनाको प्राविधिक मूल्याङ्कन अनुसारको रकम भन्दा बढी आवश्यक पर्यो भन्दै कोइराला र कार्की माथि कार्यकक्षमै प्रवेश गरेर गालि गलौज, दुर्व्यवहार तथा अपशब्द प्रयोग गरेको बताइएको छ ।

पीतित कोइराला र कार्कीले आफुहरुको ज्यानको सुरक्षा नभएको र तामाङले सार्वजनिक रुपमा माफी नमाग्दा समेत कार्यालयको नियमित कामकाज गर्न नसक्ने बताएका छन् ।