कात्तिकमा कर्णाली प्रदेश सरकार फेरिँदै

नेपाली कांग्रेस र नेकपा माओवादी केन्द्रबीच प्रदेशस्तरमै भएको सहमति अनुसार कर्णाली प्रदेशमा सरकार परिवर्तन हुन लागेको छ । माओवादी केन्द्रबाट महेन्द्रबहादुर शाहीले राजीनामा दिने र कांग्रेसका तर्फबाट सांसद रहेका जीवनबहादुर शाही मुख्यमन्त्री हुने सहमति भएको हो।

मुख्यमन्त्री महेन्द्रबहादुर शाहीले सहमति कार्यान्वयनका लागि आफू तयार रहेको भन्दै समयमै सत्ता हस्तात्रण हुने प्रतिबद्धता समेत जनाएका छन् । शाहिले आफूले सहमति गरिसकेपछि धोका नदिने भन्दै कात्तिकको ५ गते देखि १० गते भित्र आफूले राजीनामा दिएर बैकल्पिक सरकार बनाउन सहयोग गर्ने बताएका छन् ।

कर्णाली प्रदेशसभामा कांग्रेस संसदीय दलका नेता समेत रहेका जीवनबहादुर साहीले पनि दुई नेताबीच सहमति भएको भन्दै त्यसको कार्यान्वयन ढिलामा १० गते हुनसक्ने जिकिर गरेका छन् ।