नेपालमा कोरोना संक्रमणदर घट्दो, मुलुकभर थप २७२ जना संक्रमित फेला

 

काठमाडौं : नेपालमा पछिल्ला केहि दिन यतादेखि कोरोना संक्रमणको दर घट्दै गईरहेको छ । पछिल्लो २४ घण्टामा २ सय ७२ जनामा कोरोना संक्रमण पुष्टि भएको छ ।

त्यस्तै सोही अवधिमा ८ जनाको मृत्यु भएको स्वास्थ्य तथा जनसंख्या मन्त्रालयले जनाएको छ । मन्त्रालयको अनुसार ४ हजार ७ सय १२ जनाको आरटी–पीसीआर र एन्टिजेन विधिबाट परीक्षण गर्दा २ सय ७२ जनामा कोरोना संक्रमण पुष्टि भएको हो ।

योसँगै नेपालमा कोरोना भाइरस संक्रमितको कुल संख्या ८ लाख ९७ हजार ८६१ पुगेको छ । कोरोना भाइरसको संक्रमणबाट पछिल्लो २४ घण्टामा देशभर ७ सय ७७ जना निको भएर घर फर्किएका छन् । योसँगै नेपालमा कोरोना संक्रमणमुक्त हुनेहरुको संख्या ७ लाख ७९ हजार ९ सय ३१ पुगेको छ ।