थप ६७९ जनामा कोरोना संक्रमण पुष्टि, ७ जनाको मृत्यु

 

काठमाडौं : पछिल्लो २४ घण्टामा ६७९ जनामा कोरोना भाइरस संक्रमण पुष्टि भएको छ । त्यस्तै सोही अवधिमा संक्रमणका कारण ७ जनाको मृत्यु भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार ७०७० पीसीआर परीक्षणमा ५७४ र ३८५० एन्टिजेन परीक्षणमा १०५ जना गरी उक्त संख्यामा संक्रमण पुष्टि भएको हो । पछिल्लो २४ घण्टामा १४०५ जना संक्रमणमुक्त भएका छन् । हाल देशभर सक्रिय संक्रमितको संख्या १६ हजार ८०४ रहेको छ । जसमध्ये १५ हजार ५३४ जना होम आइसोलेसनमा र १२७० जना संस्थागत आइसोलेसनमा छन् ।

त्यस्तै पछिल्लो २४ घण्टामा खोप लगाएकाको संख्या २६ हजार ४१९ रहेको छ ।