पुण्य गौतमले प्रहरी हिरासतमै गरे अनशन शुरु

काठमाडौँ:  सामाजिक सञ्जालमा एकदमै चर्चित एवम् आफुलाई स्वघोषित अभियन्ता बताउँदै आएका पुण्य गौतम प्रहरी हिरासतमा अनशन बसिरहेका छन् । भदौ २७ मा पक्राउ परेका गौतमलाई महानगरीय प्रहरी वृत्त नयाँ बानेश्वरको हिरासतमा राखिएकोमा त्यहीँ अनसन थालेको एक प्रहरी अधिकारीले बताएका छन् ।

गौतमलाई प्रहरीले अमेरिकी सहयोग परियोजना एमसिसिको बिरोध गरेको आरोपमा बानेश्वरबाट पक्राउ गरेको थियो ।
प्रहरीले उनलाई सार्वजनिक हित विरुद्ध कसुर गरेको मुद्दामा हिरासतमा राखेको हो । गौतमले हिरासतमा अनसन बसेको तथ्य भने प्रहरीले लुकाएको छ । महानगरीय प्रहरी परिसर काठमाडौंका एसपी रमेश बस्नेतले भने अनशन बसेको अनफुलाई थाहा नभएको बताएका छन् ।